Qazaqstandyq palýan jastar arasynda ótken Azııa chempıonatynan «kúmis» utty
ASTANA. QazAqparat - Grek-rım stıli boıynsha qazaqstandyq palýan Alpamys Dastanbek Taıpeıde ótken Azııa chempıonatynda 50 kelige deıingi salmaq sanatynda kúmis medal ıegeri atandy, dep habarlady Sports.kz.
Birinshi aınalymda, 1/4 fınalda ol japondyq palýanmen kezdesip, 2:1 esebimen utty. Jartylaı fınalda úndistandyq qarsylasyn jeńdi. Ókinishke oraı, fınalda ırandyq sportshydan 1:3 esebimen jeńilip qaldy.
120 kelige deıingi salmaqta eldiń namysyn Anton Savenko qorǵady. Chempıonat kezinde Anton jaraqat alyp, óz deńgeıinde aıqas kórsete almaı, júldesiz oraldy.
Sondaı-aq Taıpeıde qyzdar arasynda jarys boldy. 67 kelige deıingi salmaqta Valerııa Goncharova Azııa chempıonatynyń qola júldegeri atandy.
Jartylaı fınalda Valerııa Goncharova ózbek sportshysyn utty, qola medal úshin aıqasta kilem ıesimen kezdesip, merziminen buryn jeńiske jetti.
Nesibeli Estaeva (44 keli) birinshi aınalymda japondyqtan jeńildi. Dıana Kaıýmova (51 keli) ózbekstan sportshysyna ese jiberdi. Nazıra Amanjolova (59 keli) birinshi kezdesýde qytaılyqtan utylyp, keıinnen jubanysh kezdesýda úndistandyqtan jeńildi.
