Qazaqstandyq palýan qyzdar áıelder kúresinen Bakýde ótetin Álem chempıonatyna qatysady
ALMATY. 20 tamyz. QazAqparat - Qazaqstandyq palýan qyzdar 21-27 tamyz kúnderi Ázirbaıjan astanasynda erkin, grek-rım, áıelder jáne jaǵajaı kúresterinen ótetin jasóspirimder arasyndaǵy Álem chempıonatyna qatysady.
Onda el namysyn Qazaqstan chempıonatynyń jeńimpazdary men júldegerleri - Zarına Qunanǵaraeva (65 kg), Azııa chempıony Marına Zýeva (40 kg), kúmis júldegerler Gúlmaral Erkebaeva (70 kg), Irına Kazıýlına (60 kg), Svetlana Ankıcheva (38 kg), qola júldeger Irına Borısova (43 kg), Svetlana Sergeeva (56 kg) jáne «Azııa balalary» halyqaralyq oıyndarynyń chempıony Mádına Baqbergenova (52 kg) men kúmis júldeger Marına Sedneva (49 kg) qorǵaǵaly otyr. Qaırat Saǵadıevtiń jetekshiligimen olar Baký boz kilemindegi beldesýlerin 23-24 tamyz kúnderi ótkizetin bolady.
Byltyr Býdapeshtte ótken Álem chempıonatynda qazaqstandyq palýan qyzdar komandalyq esepte 21 upaımen úzdik ondyqty túıindegen. Onda aqtyq synda ýkraınalyq Ýroda Gannýdý utqan Ekaterına Larıonova (60 kg) Álem chempıony, al Svetlana Ankıcheva (38 kg) qola júldeger atanǵan bolatyn.
