Qazaqstandyq palýan Qytaıdaǵy «Grand Prix» jarysynda kúmis ıelendi
ASTANA. QazAqparat - Qytaıda ótkizilgen «Grand Prix» jarysynda 100 keli salmaq dárejesinde qazaqstandyq dzıýdoshy Maksım Rakov ekinshi oryn aldy.
Aqtyq básekege deıin ol óz qarsylastaryn tolyqtaı jeńip, fınalda Mońǵolııa palýany Naıdan Tývshınbaıarmen kezdesti. Tartysty ótken kezdesýde Maksım eskertýler sany boıynsha qarsylasyna ese jiberip aldy. Sonymen qatar 100 keliden joǵary salmaq dárejesinde Aıtýar Abdýllov besinshi orynǵa turaqtady, dep habarlaıdy QR Dzıýdo federatsııasynan. Osymen Qytaıdaǵy jarys máresine jetti, kezekti týrnır Koreıada kelesi aptada ótkiziletin bolady.
