Qazaqstandyq otyz alty kompanııa І Halyqaralyq mal sharýashylyǵy forýmynyń marapatyna ıe boldy
ASTANA. Tamyzdyń 3-i. QazAqparat - Buryn habarlanǵandaı, Astanada shildeniń 31-i men tamyzdyń 1-i aralyǵynda «Qaraótkel-2010» Qazaqstan agroónerkásiptik kesheni jetistikteriniń jármeńkesi ótken bolatyn.
Jármeńke aıasynda І Halyqaralyq mal sharýashylyǵy forýmy boldy, sondaı-aq forým qatysýshylarynyń arasynan agroónerkásiptik keshen salasynda jumys isteıtin eń úzdik otandyq kásiporyndardy anyqtaǵan baıqaý ótkizildi, dep habarlaıdy QR Aýyl sharýashylyǵy mınıstrliginiń baspasóz qyzmeti.
Sonymen, ártúrli atalym boıynsha 36 otandyq kompanııa eń úzdik dep tanyldy. Atap aıtqanda, eń úzdik et óndirýshi kásiporyn bolyp «Jaıyq et» JShS (BQO) ataldy, sút óndirýshi kásiporyn arasynda «Sút» AQ (Pavlodar oblysy) atalsa, «Іnjý marjan» JShS (Atyraý oblysy) balyq óndirý salasynda úzdik dep tanyldy.
Mal sharýashylyǵy salasynda bııazy júndi qoı ósiretin tańdaýly sharýashylyq nemese asyl tqymdy zaýyt atalymynda «Merke» AQ (Jambyl oblysy), túıe ósiretin sharýashylyq nemese asyl tuqymdy zaýyt arasynda «Dáýlet Beket» JShS (Almaty oblysy), etti baǵyttaǵy iri qara malyn ósiretin sharýashylyqtar arasynda «Klıýchevoe» JShS (Qostanaı oblysy) ataldy.
