Qazaqstandyq otbasylar tabystarynyń kem degende úshten bir bóligin azyq-túlikke jumsaıdy - Statıstıka agenttigi
ASTANA. Qazannyń 22-si. QazAqparat - Qazaqstandyq otbasylar tabystarynyń kem degende úshten bir bóligin azyq-túlikke jumsaıdy.
Bul týraly QR Statıstıka agentiginiń taratqan habarlamasynda aıtylǵan.
«Azyq-túlik ónimderin tutyný halyqtyń turmys deńgeıiniń negizgi kórsetkishi bolyp tabylady. Úı sharýashylyqtarynyń kólemi de tamaqtaný shyǵystarynyń deńgeıine yqpal etetini anyq. Úı sharýashylyqtarynyń eń kóp úlesi, qalalyq jerde de (52,6 paıyz) jáne aýyldyq jerlerde de (52,1 paıyz), óz tabysynyń 30 paıyzdan 50 paıyzǵa deıingi mólsherin tamaqtanýǵa jumsaıdy», delingen Agenttiktiń taratqan habarlamasynda. Agenttiktiń málimetinshe, deıturǵanmen otbasy kóleminiń tómendeýimen óz tabysynyń 30 paıyzdan 50 paıyzǵa deıingi mólsherin tamaqtanýǵa jumsaıtyn úı sharýashylyqtarynyń úlesi qysqarýda.
Atap óterligi, qalada, sondaı-aq aýylda suralǵan úı sharýashylyqtarynyń basym bóligi úshin negizgi kúnkóris kózi jaldamaly jumys bolyp tabylady. «Tabys kózi retinde jeke qosalqy sharýashylyqtarynyń ónimderin tutynýdy aýylda turatyn úı sharýashylyqtarynyń 55,0 paıyzy belgilese, «árıne, qalada bul kórsetkish aıtarlyqtaı tómen» degendi 20,4 paıyzy belgilegen», delingen Agenttiktiń derekterinde. Suralǵandardyń jaýabynsha, zeınetaqynyń, buǵan qosa týysqandarynan, tanystarynan alatyn kómektiń kúnkóriske qajetti qural retindegi mańyzy qalalyq jáne aýyldyq úı sharýashylyqtary úshin birdeı eken.
