Qazaqstandyq oryndaýshy Moldavııadaǵy bedeldi baıqaýda birinshi oryn aldy
«Moldavııa, Kıshınevte ótken «Douainimigemene» («Eki egiz júrek») atty HІІ halyqaralyq baıqaýynda І oryn aldym. Gala-kontsert «PALATU NATIONAL» (Ulttyq saraıda) ótti. Meniń elimniń týy kóterildi! Men óte baqyttymyn! Rýmyn tilinde «Iartă-mă» (ıArte-me -Keshir meni, mama) ánin oryndadym. Tyńdarmandar ony jaqsy qabyldady», - dep jazdy óziniń VKontakte-degi jeke paraqshasynda Farhad Mádenov.
«Douainimigemene» bedeldi baıqaýy uly kompozıtor Ion Aldıa-Teodorovıch pen onyń jubaıy, tanymal ánshi Doına Aldıa-Teodorovıchti eske alýǵa arnalǵan. Bıylǵy jyly baıqaýǵa qatysý nıetin 100-den astam oryndaýshylar bildirgen, alaıda irikteý kezeńiniń qorytyndysy boıynsha qazylar alqasy 14 elden kelgen 28 qatysýshyny ǵana jibergen.
Astanalyq ánshi Farhad Mádenov Qazaqstannyń atynan talaı túrli halyqaralyq baıqaýlarǵa qatysqan. Osy jyldyń maýsym aıynda ol «Qazaqstannyń altyn daýysy» qurmetti ataǵyna ıe boldy. Budan basqa, Farhad - Las-Vegasta ótken «Hrýstal magnolııasy» atty jas oryndaýshylardyń XIX halyqaralyq mýzykalyq baıqaýynyń jeńimpazy.
