Qazaqstandyq ortalyq AQSh-ta birqatar kelisimge qol qoıdy
«Valmont Industries-pen kelisimniń maqsaty - Qazaqstan Respýblıkasynyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasy aıasynda sýarmaly polıgon (aqyldy polıgon) qurý. Joba aýyl sharýashylyǵy daqyldary men ırrıgatsııalyq júıelerdi ósirýdiń jańa ınnovatsııalyq agrotehnologııalaryn, sondaı-aq AShǴÓO bazasynda monıtorıng jáne baqylaý tehnologııalaryn kórsetýge baǵyttalǵan. Jobaǵa bilim berý, qoldanbaly zertteýler júrgizý jáne olardy praktıkalyq qoldaný úshin qazaqstandyq aýyl sharýashylyǵy kásiporyndarynyń mamandary men basshylary, Qazaqstannyń agrarlyq salasyndaǵy kásibı oqý oryndarynyń oqytýshylary tartylatyn bolady», - delingen atalǵan ortalyq taratqan aqparatta.
Kompanııa ǵylymı ortalyqqa sońǵy úlgidegi úsh jańbyrlatqysh qondyrǵyny jetkizedi. Jańa agregat ónimdilikti arttyrýǵa jáne sý resýrstaryn únemdeýge múmkindik beredi. Tyń jobaǵa bólingen ınvestıtsııa kólemi shamamen 200 mln teńgeni quraıdy.
Sondaı-aq, A.Baraev atyndaǵy «Astyq sharýashylyǵy ǵylymı-óndiristik ortalyǵy» JShS men «Daugherty Water for Food Global Institute at the University of Nebraska» kompanııasy ózara túsinistik pen yntymaqtastyq týraly Memorandýmǵa qol qoıdy.
