Qazaqstandyq órt sóndirýshi kıkboksıngten álem chempıonatynda qola júlde aldy
ÓSKEMEN. QazAqparat – Shyǵysqazaqstandyq órt sóndirýshi Italııada ótken kıkboksıngten álem chempıonatynda qola júldeger atandy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, azamattyq qorǵaý aǵa serjanty Berik Qalyqov Semeı qalasyndaǵy №40 órt sóndirý bóliminde júrgizýshi bolyp jumys isteıdi.
«26 jastaǵy órt sóndirýshi únemi sportpen aınalysyp keledi. 15-24 qazan aralyǵynda Italııada kıkboksıngten ótken Álem chempıonatynda óner kórsetip keldi. Jarysqa 65 elden 1600 sportshy qatysty. Berik Qalyqov Qazaqstan namysyn qorǵap, qola júldeger atandy», - dep habarlady vedomstvo ókilderi.
Ol tótenshe jaǵdaılar júıesinde 2016 jyldan bastap qyzmet etedi.
Sol ýaqyttan beri 13 órtti sóndirip, 20 adamdy qutqarǵan.
