Qazaqstandyq órender Balqan olımpıadasynyń tarıhynda alǵash ret 2-orynǵa ıe boldy
Kıprdyń Larnaka qalasynda jasóspirimder arasynda 23-shi Balqan matematıkalyq olımpıadasy ótti. Olımpıadaǵa 17 resmı komanda (Balqan aımaǵynyń 10 memleketi) jáne 7 qonaq komanda (Ázirbaıjan, Horvatııa, Ekvador, Frantsııa, Saýd Arabııasy, Nıgerııa jáne Qazaqstan), jalpy sany 112 oqýshy qatysty. Olımpıadany Kıpr Respýblıkasynyń matematıkter odaǵy uıymdastyrdy.
«Qazaqstan qurama komandasy birneshe jyl boıy osy olımpıadaǵa qonaq-komanda retinde qatysyp keledi. Qazaqstandyq órender Balqan jasóspirimder olımpıadasynyń tarıhynda alǵash ret ekinshi oryndy ıelendi. Olımpıada qorytyndysy boıynsha Qazaqstan komandasy 2 altyn, 3 kúmis jáne 1 qola medal jeńip aldy» delingen habarlamada.
Komanda qurama komandasyna kirgen qazaqstandyq oqýshylar jaqsy nátıjelerge qol jetkizdi: Myrzataev Aıbek - altyn medal («Bilim-ınnovatsııa» lıtseı-ınternatynyń 9-synyp oqýshysy, Atyraý qalasy); Ten ıÝrıı - altyn medal («Haileybury» halyqaralyq mektebiniń 9-synyp oqýshysy, Almaty qalasy); Raýshanov Marlen - kúmis medal (daryndy balalarǵa arnalǵan «Bilim-ınnovatsııa» lıtseı-ınternatynyń 9-synyp oqýshysy, Nur-Sultan qalasy); Sákenov Batyrhan - kúmis medal («Respýblıkalyq fızıka-matematıka mektebi» KeAQ-nyń 9-synyp oqýshysy, Almaty qalasy); Qaldybek Erasyl - kúmis medal («Bilim-ınnovatsııa» mektep-ınternatynyń 9-synyp oqýshysy, Taraz qalasy); Ábdikárimov Beksultan - qola medal (daryndy balalarǵa arnalǵan «Bilim-ınnovatsııa» lıtseı-ınternatynyń 9-synyp oqýshysy, Nur-Sultan qalasy).
Olımpıada qorytyndysy boıynsha Qazaqstan qurama komandasy geometrııadan esepterdi sheshýdegi úzdikterdiń qatarynan tabylǵanyn atap ótken jón.
