Qazaqstandyq óren Stıven Hokıngpen Londonda kezdesti
ASTANA. QazAqparat - 15 jastaǵy balalar tserebraldy sal aýrýyna shaldyqqan mektep oqýshysy Isaak Mýstopýlo Londonda fızık-teoretık, professor Stıven Hokıngpen kezdesti, dep habarlaıdy QazAqparat.
Kezdesý Ulybrıtanııaǵa jasalǵan oqytý-tanystyrý sapary aıasynda jasaldy. Bul týraly Tehnologııalyq damytý jónindegi ulttyq agenttiktiń baspasóz qyzmeti málim etti.
Kezdesýdi Astana qalasynyń ákimi Áset Isekeshev, «Eır Astana» prezıdenti ári atqarýshy dırektory Pıter Foster British Council-men birlese otyryp uıymdastyrdy.
Balalar tserebraldy sal aýrýyna shaldyqqan 15 jastaǵy mektep oqýshysy Isaak Mýstopýlo «Tehnologııalyq damý jónindegi ulttyq agenttik» AQ jáne British Council uıymdastyrǵan baıqýdyń arnaıy syılyǵyna ıe boldy. Baıqaý barysynda jas ǵalym «Úndestik teorııasy» dep atalatyn vıdeorolıgin usyndy. Onda ǵarysh apparattaryna arnalǵan elektr energııasynyń óndiristik protsesi kórsetilgen.
Buǵan deıin «QazAqparat» HAA Issaktyń óziniń kýmıri Stıven Hokıngpen kezdesýdi armandaıtynyn jazǵan bolatyn. Taraz qalasynan shyqqan ol týǵannan múgedekter arbasyna tańylǵan. Óziniń armany jaıly ol buryn QR ınvestıtsııalar jáne damý mınıstri bolǵan Áset Isekeshevke aıtqan bolatyn.
