Qazaqstandyq operatorlar áleýmettik osal toptarǵa ınternetti jeńildikpen beredi
Bul týraly Ortalyq komýnıkatsııalar qyzmetinde ótken onlaın brıfıngte «Qazaqtelekom» AQ basqarma basshysy Qýanyshbek Esekeev aıtty, dep habarlaıdy QazAqparat tilshisi.
«Aýyldyq aımaqtarda ınternetke qatysty birneshe másele bar. Ózim ınternet forým ótkizgen kezde myńǵa jýyq suraq keldi. Qashyqtan oqytý kezinde shalǵaıdaǵy eldi mekenderde ınternet jyldamdyǵyna qatysty biraz shaǵymdar tústi. Aldaǵy ýaqytta bul máseleler sheshiledi», - deıdi «Qazaqtelekom» AQ basqarma basshysy Qýanyshbek Esekeev.
Ol tótenshe jaǵdaı kezinde otandyq operatorlar áleýmettik osal toptar úshin ınternetke jeńildik beretini týraly aıtty.
«Biz barlyq qyzmetti abonentttik tólemge kirgizbeı berip otyrmyz. Іshki qyzmet úshin aqy almaımyz, biraq YouTube sııaqty sheteldik qyzmet úshin aqy alamyz. Karantın kezinde ınternet qoldanýshylar sany artty. Karantınge deıin bir kún ishinde 200 myń adam, al karantınnen keıin 650 myń adam ınternet jelisine qosylǵanyn kórip otyrmyz», - deıdi ol.
