Qazaqstandyq onsaıysshy D. Karpov Italııa týrnırinde jeńiske jetti
ASTANA. 8 mamyr. QazAqparat - Italııanyń Dezentsano-del-Garda qalasynda onsaıystan ótken álemdik «Challenge» serııasyndaǵy halyqaralyq týrnırde qazaqstandyq sportshy Dmıtrıı Karpov top jardy.
Afıny oıyndarynyń qola júldegeri jarys qorytyndysy boıynsha 8172 upaı jınap, birinshi orynǵa qol sozdy. Ekinshi orynǵa Ashıant Brıant (Ulybrıtanııa) taban tiredi. Al qolaǵa ıslandııalyq Eınar Larýsson ıe boldy.
Aıta keteıik, atalmysh dodaǵa Karpovtyń olımpıadadaǵy basty qarsylastary qatysqan joq.
