Qazaqstandyq ónimniń úzdik logotıpine konkýrs jarııalandy

ASTANA. QazAqparat - Qazaqstanda respýblıkada óndiriletin barlyq ónim úshin logotıptiń) dızaınyn ázirleýge konkýrs jarııalandy, dep habarlady QR Indýstrııa jáne jańa tehnologııalar mınıstrliginiń baspasóz qyzmeti.

QR IJTM-nyń Jergilikti qamtýdy damytý jónindegi ulttyq agenttiginiń («NADLoC» AQ) resmı saıtynda: «Konkýrsqa qatysýǵa QR-dyń jeke jáne zańdy tulǵalary jiberiledi. QR Indýstrııa jáne jańa tehnologııalar mınıstrliginiń, qoǵamdyq uıymdardyń, bıznes-qaýymdastyqtardyń ókilderinen quralǵan quzyretti ádilqazylar alqasy jeńimpaz jónindegi sheshimdi kópshilik daýyspen qabyldaıdy», - delingen taratylǵan habarlamada.

Konkýrsty uıymdastyrýshylardyń pikirinshe, logotıp ishki jáne syrtqy naryqtarda otandyq taýarlardyń tanylý dárejesin arttyrýǵa múmkindik beredi.

Qatysýǵa nıet bildirgenderdiń barlyǵy óz jumystaryn 2014 jylǵy 23 mamyr - 16 maýsym aralyǵynda konkýrstyń [e-mail] mekenjaıyna jiberýine bolady.

Konkýrstyń erejesi týraly neǵurlym egjeı-tegjeıli aqparat QR IJTM Jergilikti úlesti damytý agenttiginiń ( «NADLoC» AQ) saıtynda ornalastyrylǵan.