Qazaqstandyq ónimderdi Iranǵa eksporttaý máselesi talqylanady
NUR-SULTAN. QazAqparat - Qazaqstan delegatsııasy Iranǵa saparmen barady. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«10 sáýirde Qazaqstan men Iran Syrtqy ister mınıstrlikteri arasynda saıası konsýltatsııalar ótedi. Іs-sharada Qazaqstan delegatsııasyn mınıstrdiń birinshi orynbasary Muhtar Tileýberdi, al Iran tarapyn Syrtqy ister mınıstriniń orynbasary Abbas Arakchı basqarady. Taraptar saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń ózekti máselelerin, sondaı-aq kópjaqty dıplomatııa aspektilerin talqylaıdy», - dedi ol.
Onyń aıtýynsha, saıası konsýltatsııalardyń kezekti raýndy Qazaqstan men Irannyń syrtqy saıası vedomstvolary arasyndaǵy baılanystardy úılestirýdi keńeıtýge jáne nyǵaıtýǵa, sondaı-aq yntymaqtastyqtyń jańa perspektıvalyq baǵyttaryn aıqyndaýǵa múmkindik beredi.
«Sonymen qatar, sapar barysynda Muhtar Tileýberdi Irannyń Syrtqy ister, Jol jáne qala qurylysy, Indýstrııa, ken jáne saýda, sondaı-aq Aýyl sharýashylyǵy mınıstrlikteriniń basshylyǵymen ekijaqty kezdesýleri josparlanýda. Kelissózder barysynda qazaqstandyq ónimderdi Iranǵa eksporttaý máselelerimen qatar, ekijaqty yntymaqtastyqtyń saýda, kóliktik-logıstıka, aýyl sharýashylyǵy, taý-ken ónerkásibi jáne basqa da salalardaǵy máseleler talqylanady»,- dedi Aıbek Smadııarov.
Aıta keteıik, 2018 jyldyń qorytyndysy boıynsha ekijaqty taýar aınalymynyń jalpy kólemi 516,3 mln AQSh dollaryn qurady. Sonyń ishinde, Qazaqstandyq eksport kólemi 426,7 mln, al Iran ımporty 89,5 mln dollaryn boldy.
