Qazaqstandyq ónimder álemniń 120 eline eksporttalady - mınıstr

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev Indýstrııalandyrý baǵdarlamasynyń jemisi týraly baıan etti, dep habarlaıdy QazAqparat tilshisi.

«Osy aptada Indýstrııa jáne ınfraqurylymdyq damý mınıstrligi Indýstrııalandyrý baǵdarlamasynyń keıingi 10 jyldaǵy qorytyndysyn jarııalady. Shynynda da, kórsetkishter tamsandyrmaı qoımaıdy. Máselen, qazaqstandyq ónimder álemniń 120 eline eksporttalady. Qazaqstanda buryn óndirilmegen taýarlardyń 500 túri shyǵaryla bastady. 32 mlrd dollarlyq tikeleı ınvestıtsııa tartyldy. Ónerkásiptiń jańa baǵyttary iske qosyldy. Buryn bolmaǵan avtoóndiris, temir jol men kólik quraý, tyńaıtqyshtar óndirisin jolǵa qoıǵan ındýstrııalandyrý vektory - Elbasynyń strategııalyq mańyzy joǵary sheshimi bolǵanyn aıqyndaı túsedi», - dedi Dáýren Abaev.

Mınıstrdiń aıtýynsha, buryn osy sharalardyń bári de daǵdarysqa qarsy sharalar bolyp sanalǵanymen, qazirgi ýaqytta ekonomıkany damytýdyń júıeli faktoryna aınalǵan.