Qazaqstandyq ónim álemniń qansha memleketine eksporttalady
«Óńdeý ónerkásibi salasyndaǵy kásiporyndardyń eksportqa baǵdarlanýy – salany damytýdyń negizgi sharty. Qazaqstanda 2019 jyly óńdeý sektorynyń eksporty 15,8 mlrd dollardy (2009 jyly 12 mlrd dollar) quraǵan bolatyn. Onyń ishinde metallýrgııa salasynda 10 mlrd dollardyń (65,7 paıyz), munaı óńdeý salasynda 1,8 mlrd dollardyń (12 paıyz), kólik quraý salasynda 1,2 mlrd dollardyń (7,9 paıyz), azyq-túlik ónimin óndirý salasynda 1,1 mlrd dollardyń (7,2 paıyz), hımııalyq ónerkásip salasynda 0,9 mlrd dollardyń (5,8 paıyz) ónimi eksporttaldy», - dep habarlaıdy Indýstrııa jáne ınfraqurylymdyq damý mınıstrliginen.
Sonymen qatar byltyr óńdeý ónerkásibiniń eksporttaǵy úlesi 27,3 paıyzdy quraǵan.
«Indýstrıalızatsııa jyldarynda óńdeý sektoryndaǵy kásiporyndar eksport geografııasyn 131 memleketke deıin arttyrdy. Qazaqstandyq ónimder Azııaǵa (6,6 mlrd dollar, 42%), EAEO elderine (3,7 mlrd dollar, 24%), Eýropalyq odaq elderine (2 mlrd dollar, 13%), TMD (1,9 mlrd dollar, 12%), Amerıkaǵa (0,7 mlrd dollar, 4%) shyǵarylady. 10 jyldyń ishinde óńdeý ónerkásibi ónimderiniń eksporty farmatsevtıkalyq salada 3,9 ese, kólik-quraý salasynda 2,9 ese, hımııalyq ónerkásip salasynda 2,8 ese, metallýrgııada 1,2 ese artty», - delingen habarlamada.
