Qazaqstandyq ónertapqysh Japonııada álemdegi alǵashqy robot-alpınısti jasap shyǵardy

Áli de atqarylatyn jumystary kóp. Degenmen jas qazaqstandyq mundaı túrli qyzmetti atqaratyn gıbrıd robot álemde joq ekenine senimdi, dep habarlaıdy 24.kz. Apparattyń biregeıligi onyń ámbebaptyǵynda: robotty qurylys, mashına jasaý, farmatsevtıka, tipti medıtsınaǵa paıdalanýǵa bolady.

Yamabot-10 avtory Azamat Eshmuhambetov «Bolashaq» baǵdarlamasynyń stependıaty.

Qazaqstandyq stýdenttiń jobasyna Tokaı ýnıversıtetiniń naqty ǵylymdar kafedrasynyń meńgerýshisi qoldaý bildirdi. Azamat barlyq bólshekterdi ózi jasap, shaǵyn zerthanasynda basyp shyǵardy. Oǵan ıAmabot dep at qoıdy. Ol robotty Qazaqstanǵa kelgen soń ǵana testen ótkizip synamaq.

«Robot - qalasaq ta, qalamasaq ta bizdiń keleshegimiz. Qazaqstanda jastar osy tárizdi robot jasap shyǵarýǵa umtylǵanyn qalaımyn. Sebebi bul bizdiń bolashaǵymyz. Alǵa umtylýymyz qajet, aldaǵy ýaqytta ár otbasynyń óz robottary bolatynyna esh kúmánim joq»,-deıdi Azamat Eshmuhametov.

Jarty jyldan soń ol Qazaqstanǵa oralyp, óz týyndysymen ári qaraı jumys júrgizbek. Ol ıAmabotty ónerkásiptik alpınızmge paıdalanbaq. Áli kúnge deıin álemde tereze jýatyn, qasbet syrlaıtyn, bıiktikte jumys isteıtin robottar joq. Adamdar óz ómirlerin táýekelge tigedi. Bul jumystardy robottar atqaratyn ýaqyt jetti, dep sanaıdy qazaqstandyq ınjener.