Qazaqstandyq ónerpazdar «Túrikvıdenıe 2010» festıvaline qatysady
YSTAMBUL. Mamyrdyń 27-i. QazAqparat /Irına Dynnıkova/ - Túrkııanyń Pamýkkale qalasyndaǵy ejelgi teatrda mamyrdyń 31-i men maýsymnyń 3-i aralyǵynda TRT-nyń (Túrik radıosy men teledıdary) jáne Deńizli qalalyq ákimshiliginiń uıymdastyrýymen Halyqaralyq «Túrikvıdenıe» festıvali ótedi.
Byltyrǵy jyly bastaý alǵan bul festıvalde 16 memleketten ánshiler bas qossa, bıyl 26 eldiń jas talanttary túrik tilinde án shyrqap, baq synasatyn bolady. Olardyń qatarynda Albanııa, Grýzııa, Ózbekstan, Pákistan, Sırııa, Qyrǵyzstan, Moldova, Rýmynııa, Týnıs jáne taǵy basqa elderdiń ókilderi bar.
Qazaqstannyń atynan bul sharaǵa elimizde tanymal «Kesh you» toby túrik jurtshylyǵyna ónerin tanytatyn bolady. Uıymdastyrýshylardyń aıtýynsha, bul sharanyń maqsaty - túrik tiliniń sulýlyǵyn kórsetip qana qoımaı, sondaı-aq túrik mýzykasyn álemge tanystyrý bolmaq.
