Qazaqstandyq ónerpazdar ShYU-ǵa múshe memleketter festıvalinde óner kórsetedi
ASTANA. QazAqparat - Beıjińniń «Poly Theater» teatrynda Shanhaı yntymaqtastyq uıymyna múshe memleketterdiń Halyqaralyq óner festıvali saltanatty túrde ashyldy, dep habarlaıdy «QazAqparat» HAA.
QHR Mádenıet jáne týrızm mınıstrliginiń bastamasymen uıymdastyrylǵan sharaǵa Qazaqstan, Qytaı, Reseı, Ózbekstan, Tájikstan, Úndistan, Pákistan jáne Qyrǵyzstan elderiniń shyǵarmashylyq ujymdary qatysyp jatyr.
Festıval aıasynda halyq ánderiniń kontserti, ulttyq bılerdiń gala kontserti jáne mádenı mura fotokórmesi ótedi. Qazaqstan atynan barǵan «Astana Balet» teatry «Arýlar» horeografııalyq mınıatıýrasyn qoıady.
Aıta keteıik, Shanhaı yntymaqtastyq uıymyna múshe memleketterdiń Halyqaralyq óner festıvali kópjaqty gýmanıtarlyq baılanystar men yntymaqtastyqty odan ary damytý maqsatynda uıymdastyryldy.
