Qazaqstandyq óner juldyzdary Batyrhan Shúkenovtyń qazasyna kóńil aıtýda

«Ómirde eki-úsh márte ǵana kezdestik. Sońǵy kezdesýde áńgimege ózi tartty. «Domashnıe voıny» serıalyn kóripti. «Chto-to novoe v kazahskıh serıalah, svetloe, dobroe...» - dep biraz maqtaý aıtty.

Otyrǵan jerimizde qosýly teledıdardan Fedor Bondarchýk sóılep jatyr edi. Batyr onyń ákesi Sergeı Bondarchýktyń «Tynyq Dony» týraly surady. «Frantsýzy ne rýskıe, daje ne kazakı» - dep, men de ol kınony biraz «sypyryp» tastadym. Sergeı Gerasımovtyń «Tynyq Dony» jaıly uzaq, tamasana, saǵyna áńgime aıttyq. Uzaq áńgimemen otyryp men tapsyrys bergen shaıdy ákelmegenin bildik. Batyr kúlip «Zdes podaıýt osnovnom kofe, ı my kazahı kak býdto by postoıanno pem kofe, onı ne znalı chto k nım zashel qazaq» - dep, daıashy qyzǵa shaıdy qaıta tapsyrdy. Ol shaı jarty saǵattan keıin keldi. «Tochno shaı po kazahskıı boldy» - dep kúlip tarastyq... Endigi qalǵany osyndaı úzik áńgimeler ǵana. Imany joldas bolsyn!», dep saǵyna eske alady óziniń jeke paraqshasynda belgili akter Asqar Naımantaev.

Sonymen birge Altynaı Jorabaeva, Meırambek Besbaev, Mádına Sádýaqasova, «Keshıý» toby ózderiniń áleýmettik jelidegi paraqshasynda aıtpaı kelgen qazaǵa oraı ánshiniń jaqyndaryna kóńil aıtqan.

«Batyrhan, sen bizdiń júregimizde máńgilik bolyp qalasyń!!! Janyń jánnatta bolǵaı!!!», dep jazady Mádına Sádýaqasova.

Telejúrgizýshi Dınara Sátjan qaıtalanbas daýys ıesiniń mezgilsiz qazasyna áli sene almaı otyrǵandyǵyn jazady.

Mánerlep syrǵanaýshy Denıs Ten de áleýmettik jelide ánshiniń týystaryna kóńil aıtty. Qazaqstandyq akter, rejısser Nurtas Adambaı Feısbýkte: «Batyrhan, Siz óz halqyńyz úshil mol sharýa atqardyńyz. Týystary, barsha qazaqstandyqtar men talantty mýzykanttyń ónerine tabynýshylardyń qaıǵysyna ortaqpyn», - dep jazdy. Ánshi Dılnaz Ahmadıeva: «Ne aıtarymdy da bilmeımin... Sene almaı otyrmyn... Men úshin sen bir alys jerge ushyp ketkendeısiń... Mundaı bolý múmkin emes... Senbeımin, senbeımin, senbeımin... Seniń hattaryńdy oqyp, sene almaı otyrmyn...», dep bildirdi qaıǵysyn.