Qazaqstandyq óndirýshiler Iranǵa óz ónimderin usynady
ASTANA. 13 qańtar. QazAqparat - Aǵymdaǵy jyldyń birinshi jartysynda qazaqstandyq óndirýshiler Iranǵa óz ónimderin usynyp, áleýetti satyp alýshylarmen kelissózder júrgize alady. Bul týraly «KAZNEX INVEST» ulttyq eksport jáne ınvestıtsııalar agenttiginiń baspasóz qyzmeti habarlady.
«Otandyq kompanııalardyń ıran baǵytynda bıznesti damytýǵa joǵary qyzyǵýshylyq tanytatynyn eskerip, «KAZNEX INVEST» AQ Tegeran qalasynda saýda mıssııasyn ótkizýdi josparlaıdy», - dep habarlady agenttiktiń baspasóz qyzmeti.
Eki jaqty saýda qatynasyn jandandyrý sheshimin Iran úkimeti de qoldap otyr.
2012 jyly Qazaqstan men Iran arasyndaǵy syrtqy saýda aınalymy 656 mln. dollar AQSh dollaryn qurady. Bul 2011 jylǵy kórsetkishten 40 paıyzǵa tómen. Osy kezeńde Qazaqstannan eksport ta 600 mln. AQSh dollarynan sál asyp, dál osyndaı 44 paıyzǵa tómendegen, 2013 jylǵy 9 aıda eki el arasyndaǵy taýar aınalym 387 mln. AQSh dollaryna jetken.
