Qazaqstandyq óndirýshiler halyqtyń negizgi azyq-túlikterge qajettiligin 95%-ǵa qamtıdy - G.Isaeva
«Negizgi azyq-túlikter boıynsha tutynýdy qamtyp otyrmyz. Negizgi azyq-túlik túrleri boıynsha 95-96%», - dedi G.Isaeva búgin «Halyq markasy» qazaqstandyq taýarlardyń iri saýda-kórme pavılonynda ótken baspasóz týry barysynda.
Onyń aıtýynsha, birneshe azyq-túlik túrleri boıynsha, onyń ishinde almalar boıynsha naqty bir ımportqa táýeldilik bar.
«Qazaqstanda alma ósirýdi arttyrý maqstanyda qazir baqtardy qarqyndy damytý boıynsha baǵdarlamany bastadyq. Qant boıynsha sýbsıdııalap otyrmyz. Bizde qant qyzylshasyn ósirip, ony óńdeýmen aınalysatyn aýyl sharýashylyǵy taýarlaryn óndirýshiler úshin shyǵyndardy sýbsıdııalaý baǵdarlamasy bar. Sondaı-aq, irimshik pen sary maı boıynsha da. Bizde balyq boıynsha ımportqa táýeldilik bar. Qazirgi tańda biz balyq sharýashylyǵy boıynsha sheberlik josparynyń birinshi kezeńderin júzege asyra bastadyq, onda biz jasandy jaǵdaılarda, kólderde, ózenderde balyq ósirý kólemin arttyrmaqpyz», - dep málimdedi ol.