Qazaqstandyq on sportshy Halyqaralyq Olımpıada komıtetiniń stıpendııasyn ıelendi

NUR-SULTAN. QazAqparat - Halyqaralyq Olımpıada komıteti olımpıadalyq qysqy sport túrlerindegi Halyqaralyq federatsııalarmen birlese otyryp, on qazaqstandyq sportshyǵa 2022 jyly Qytaıda ótetin Olımpıada oıyndaryna daıyndalý maqsatynda arnaıy stıpendııa bóldi, dep habarlaıdy QazAqparat Olympic.kz silteme jasap.

Stıpendıattar tizimine myna sportshylar kiredi: ıÝlııa Galysheva (frıstaıl-mogýl), Elızabet Tursynbaeva (mánerlep syrǵanaý), Ekaterına Aıdova (konkımen júgirý sporty), Janbota Aldabergenova (shańǵy akrobatıkasy), Aqmarjan Qalmurzaeva (shańǵy akrobatıkasy), Pavel Kolmakov (frıstaıl-mogýl), Abzal Ájiǵalıev (short-trek), Roman Krech (konkımen júgirý), Dmıtrıı Reıherd (frıstaıl-mogýl) jáne Sergeı Tkachenko (shańǵymen tuǵyrdan sekirý).

HOK talaby boıynsha, ár eldegi UOK-terge bólinetin stıpendııa kólemi ótken oıyndarǵa qatysqan sportshylar arasynda genderdik teńdiktiń saqtalýyna baılanysty. Sondaı-aq, úmitkerlerdi irikteý barysynda olardyń reıtıngi men sporttaǵy jetistikteri de qaraldy. Stıpendııany HOK 2019 jyldyń sońynan bastap tóleıdi.