Qazaqstandyq olımpıadashylar formasynan aqaý shyǵýyna baılanysty qyzmettik tekserý júrgizilýde - A.Krıýchkov
ASTANA. 1 tamyz. QazAqparat - Búgin elordada Londondaǵy HHH jazǵy olımpıada oıyndaryndaǵy qazaq eli sportshylarynyń jetistigine arnalǵan baspasóz málsıhaty ótti.
Shara barysynda QR Sport jáne dene tárbıesi isteri agenttigi Ulttyq komanda jáne sporttyq rezerv shtaby dırektorynyń mindetin atqarýshy Alekseı Krıýchkov qazaqstandyq olımpıadashylar formasynan aqaý shyǵýyna baılanysty túsinik berdi.
«Olımpıadalyq qurama músheler kıimderiniń jıyntyǵyna kóptegen kıim kiredi. Sondyqtan da ártúrli jetkizýshige jáne óndirýshige tapsyrys berildi. Qazirgi ýaqytta tekserý júrgizilýde. Bizdiń delegatsııa formasynan shyqqan aqaý biren-saran ǵana», - dedi ol.
Degenmen onyń atap ótýinshe, sportshylarǵa arnalǵan kıimderdi agenttik qyzmetkerleri qabyldap alǵan. «300-den astam kıim jıyntyǵy erejege sáıkes qaptamada bolǵan jáne olardyń arasynan birneshe kıim úlgisi ashylyp tekserildi. Ol kezde eshqandaı aqaý bolǵan joq», - dep atap ótken A.Krıýchkov kináliler tabylyp, jaýapkershilikke tartylatyndyǵyn basa aıtty.
