Qazaqstandyq Olımpıada júldegeri úlken sporttan ketedi
ASTANA. QazAqparat - Londondaǵy Olımpıada oıyndarynyń qola júldegeri Aqjúrek Tańatarov óziniń sporttyq mansabyn aıaqtaıtyndyǵy týraly aıtty, dep habarlaıdy «SPORTINFORM» SAA.
«Bıyl balýan rólindegi sońǵy jylym. Maǵan mundaı sheshim qabyldaý ońaıǵa soqpady. Biraq, jastarǵa jol berý kerektigin túsinemin. Oǵan qosa, jasym da kelip qaldy», - dedi Aqjúrek Tańatarov.
31 jastaǵy balýan bolashaqtaǵy josparlarymen de bólisti.
«Meniń maqsatym - jattyqtyrýshy bolý. Qazirdiń ózinde jas balýandardy tárbıelep, olardy túrli jarystar men týrnırlerge daıyndap jatyrmyn», - dedi sportshy.
Aqjúrek Tańatarov - erkin kúrestiń maıtalmany, Qazaqstan Respýblıkasynyń eńbek sińirgen sport sheberi, Olımpıada oıyndarynyń (London 2012), Azııa chempıonatynyń (Nıý-Delı 2017) qola júldegeri, halyqaralyq týrnırlerdiń chempıony jáne júldegeri, 66-74 kelige deıingi salmaq dárejesindegi Qazaqstannyń birneshe márte chempıony.
