Qazaqstandyq oqýshylarda «Zhas Card» plastıkalyq ámbebap kartochkalary bolady
ASTANA. KAZINFORM - Jurtshylyq nazaryna mektep oqýshylaryna arnalǵan «Zhas Card» kartasyn usynǵan respýblıkalyq «Jas Ulan» balalar men jastar uıymy jobany júzege asyrý úshin demeýshilerdi izdeýde.
Uıym tóraǵasynyń orynbasary Dınara Sadýaqasova aıtqandaı, plastıkalyq karta oqýshylarǵa jeńildikter usynbaq. «Onda bank qosymshalary da bolady. Bul kartaǵa ata-analar qol jetkize alady. Balalar onyń kómegimen ashanada tamaq, dúkenderde oqýlyqtar men keńse taýarlaryn satyp alǵanda paıdalana alady. Karta joǵalǵanda, nemese ata-anasy balasyna habarlasa almaǵanda ony tez tabý úshin kartaǵa GPS chıp ornatylǵan. GPS arqyly kartanyń qaıda ekenin bilýge bolady», - dedi ol. Eger ınvestorlar tabylsa, pılottyq rejimdegi alǵashqy kezeńde Astananyń 6 myń oqýshysy kartamen qamtylady. «Bir kartany shyǵarý úshin 1,5 myń teńge jumsalady. Bul joba júzege asýy úshin shamamen 4,4 mıllıon teńge kerek. Biraq ol óz shyǵynyn óteıdi. Jobaǵa qyzyqqan ınvestorlar tabylsa, biz bul iske erteń-aq kirisýge daıarmyz», - dep qosty ol.
