Qazaqstandyq oqýshylar úshin myńǵa tarta tegin IT-synyptar ashylady
«Aldaǵy úsh jylda «Nur Otan» partııasy memlekettik jáne jergilikti organdarmen, Úkimettik emes uıymdarmen jáne bıznes-qurylymdarmen birlesip, baǵdarlamalaý men robototehnıka negizderin tereńirek oqytý úshin búkil el boıynsha tegin ІT-synyptardy ashýdy josparlap otyr. Bul 8-16 jas aralyǵyndaǵy 450 myńǵa jýyq balany oqytýǵa múmkindik beredi», - dep habarlady OQK-da ótken baspasóz máslıhatynada partııa tóraǵasynyń birinshi orynbasary Máýlen Áshimbaev.
Osylaısha, Qazaqstannyń oqýshylary eýropalyq bilim standarttary boıynsha web-saıttar men baǵdarlamalardy qurýdy, qarapaıym algortımderdi daıyndaýdy úırenbek.
IT-synyptar IT-startaptardyń halyqaralyq tehnoparki - Astana Hub-pen ıntegratsııalana otyryp jumys júrgizetin bolady. Eń birinshi kezekte, joba shaǵyn komplektili jáne aýyldyq eldi mekenderdegi balalar úshin jetekshi tsıfrlyq daǵdylardyń qol jetimdiligi máselesin sheshýge baǵyttalǵan.