Qazaqstandyq oqýshylar shahmattan álem chempıonatynda 10 medal jeńip aldy
ASTANA. QazAqparat - Qazaqstan quramasy shahmattan mektep oqýshylary arasyndaǵy álem chempıonatynda joǵary nátıjeni kórsetti.
Qazaqstan shahmat federatsııasynyń málimetinshe, Taılandtyń Pattaııa qalasynda 7-14 mamyr aralyǵynda ótken bul dodada elimizdiń quramasy komandalyq esepte altyn medal sany boıynsha tórtinshi oryndy, sondaı-aq jalpy medal sany boıynsha (10 medal) 2-3 oryndy ıelendi.
«Altyn» júldege Ámına Qaıyrbekova (Astana) men Janat Saıyn (Oral) qol sozdy. «Kúmis» medaldi - Denız Qurmanalına (Almaty) men Aldııar Ańsat (Astana), jáne Ámına Qıyrbekova ıelense, al «qola» júlde Nazerke Nurǵalı men Samal Ábdýálıge (ekeýi de Qyzylorda), Qazybek Nógerbekke (Astana), Arystanbek Orazaevqa (Aqtóbe) jáne 7 jasqa deıingi búldirshinder arasynda óner kórsetken Altynaı Qojamqulǵa buıyrdy.
Qazaqstannyń taǵy 18 jas shahmatshysy álemniń myqty oqýshylary ondyǵyna (blıts boıynsha jarystardy esepke alǵanda) endi.
