Qazaqstandyq oqýshylar Rýmynııada ótken HH matematıkalyq olımpıadada eki «kúmis», úsh «qola» jeńip aldy
ASTANA. QazAqparat - 2016 jyly 20-29 maýsym kúnderi Slatına (Rýmynııa) qalasynda jasóspirimderdiń HH matematıkalyq olımpıadasy ótti. Bul matematıkalyq konkýrs jasóspirimderdiń Balqan matematıkalyq olımpıadasynyń (JBMO) dástúrli erejelerine sáıkes ótkizildi.
Olımpıadaǵa 21 memleket ókilderi qatysty, qazaqstandyq komanda altynshy jalpykomandalyq orynǵa ıe boldy (Rýmynııa - birinshi jáne besinshi oryn, Túrkııa - ekinshi oryn, Serbııa - úshinshi oryn jáne Bolgarııa - tórtinshi oryn), dep habarlaıdy Astananyń bilim basqarmasy.
Olımpıadaǵa Qazaqstannan barǵan alty oqýshynyń beseýi júldeli oryndar aldy. Eki qatysýshy (astanalyq jáne almatylyq) «kúmis» júlde jáne úsh qatysýshy (eki almatylyq jáne bir tarazdyq) «qola» júldege ıe boldy.
Astana qalasyndaǵy «daryndy balalarǵa arnalǵan qazaq-túrik lıtseıiniń» 9-synyp oqýshysy Aıbar Oshaqbaev 33-shi oryn (126 qatysýshy arasynan) alyp, kúmis medaldi jeńip aldy.
