Qazaqstandyq oqýshylar robototehnıkadan álem olımpıadasynda 2-oryn aldy

ASTANA. QazAqparat - Qazaqstandyq oqýshylar alǵash ret robototehnıkadan álem olımpıadasynda 2-orynǵa ıe boldy. Bul týraly Oqý-aǵartý mınıstri Ashat Aımaǵambetov jelidegi paraqshasynda jazdy, dep habarlaıdy QazAqparat.

«Oqýshylarymyz kezekti ret óte joǵary deńgeı kórsetip, alǵash ret robototehnıkadan álem olımpıadasynda 2-orynǵa ıe boldy. Jarys Germanııanyń Dortmýnd qalasynda ótti. Shymkent qalasyndaǵy J. Jabaev atyndaǵy №26 memlekettik mektep pen №9 IT-lıtseıiniń oqýshylary Imanǵalı Myńjasar men Bıbarys Mıhash jeńimpaz atandy», - dedi mınıstr.

World Robot Olympiad (WRO) 2004 jyldan beri ótkizilip keledi. Qazaqstan bul olımpıadanyń 2014 jyldan bergi qatysýshysy.

Bıyl 73 eldiń 365 komandasy fınalda úzdik ataqqa talasty.
Al irikteý kezeńine búkil álem boıynsha 15 000 komanda qatysty.