Qazaqstandyq oqýshylar Mınskide jas ınspektorlardyń halyqaralyq forýmyna qatysýda

ASTANA. QazAqparat - Mınskide 43-qozǵalys jas ınspektorlarynyń (QJI) respýblıkalyq slet-konkýrsy ótýde, dep habarlady QR ІІM baspasóz qyzmeti.

Sletke QJI jasaqtary - Belarýs Respýblıkasynyń oblys jáne astanalyq konkýrstarynyń jeńimpazdary, sondaı-aq Qazaqstan men Reseıdiń komandalary qatysýda. Bizdiń elimizden Shyǵys Qazaqstan oblysynyń QJI komandasy bardy. Barlyǵy jarysqa 200 jýyq bala qatysyp otyr.

43-qozǵalys jas ınspektorlarynyń respýblıkalyq slet-konkýrsynyń saltanatty ashylý rásimi 26 mamyrda «Mınsk - batyr qala» stellasynyń janynda ótti.

Slet-konkýrstyń qonaqtary men qatysýshylaryn Belarýs astanasynyń shyǵarmashylyq ujymdary qoshamettedi. «Alıans» Belarýs bı lıgasynyń oqýshylary «Jas urpaq - qaýipsiz qozǵalysty qoldaıdy» degen uranmen fleshmob daıyndady.

Slettiń merekelik jabylýy 30 mamyrda «Verhnıı gorod» qontserttik zalynda ótedi, onda konkýrstyń jeńimpazdary men qatysýshylarynyń marapattaý rásimi bolady. Іs-sharanyń sońy otburqaqqa ulaspaq.

Osyǵan uqsas QJI sletteri Qazaqstanda da uıymdastyrylatyndyǵyn atap ótken jón. Jyl saıyn ІІM bastamasymen aımaqtyq sletter jáne onyń respýblıkalyq fınaly ótkiziledi, onyń jeńimpazdary TMD-ǵa qatysýshy-elderdiń memleketaralyq QJI sletinde Qazaqstannyń namysyn qorǵaıdy. Ataı ketsek, 2014 jyly Ǵ.Baıtasov atyndaǵy Qozǵalys jas ınspektorlarynyń respýblıkalyq sleti Shyǵys Qazaqstan oblysynda ótti, oǵan Qazaqstannyń aımaqtyq jarystarynyń jeńimpazdary jáne TMD elderi (Reseı Federatsııasy men Tájikstan Respýblıkasy) qatysty.

2015 jyly Qazaqstan Respýblıkasy QJI respýblıkalyq sletin 10-19 shilde aralyǵynda Qostanaı oblysynda ótkizý josparlanyp otyr.

QJI qozǵalysy, onyń sletteri, konkýrstary jalpy bilim berý úderisin tereńdetýge, óskeleń urpaqtardyń mádenı deńgeıine yqpal etedi. Sondaı-aq balalardyń jol-kólik jaraqattaný jaǵdaıyna naqty áser etedi.