Qazaqstandyq oqýshylar hımııa páninen 44-shi Halyqaralyq olımpıadada 1 «altyn, 2 «kúmis», 1 «qola» enshiledi
ASTANA. 30 shilde. QazAqparat - AQSh-tyń Vashıngton qalasynda ústimizdegi jyldyń 21-30 shildesi aralyǵynda hımııa páninen 44-shi Halyqaralyq olımpıada jarysy ótti.
Olımpıadaǵa 78 memleketten oqýshylar komandasy, sonyń ishinde baqylaýshy 3 memleket qatysty.
Hımııa páninen Halyqaralyq olımpıada jyl saıyn 1968 jyldan bastap ótkizilip keledi. Olımpıadaǵa 15 jastan joǵary oqýshylar qatysa alady. Ár memleketten 4 oqýshynyń qatysýǵa múmkindigi bar. Olar óz bilimderin teorııalyq jáne tájirıbelik kezeńderde kórsetýi tıis.
44-shi Halyqaralyq olımpıadanyń jabylý saltanaty Djordjtaýn ýnıversıtetiniń bazasynda ótti.
Teorııalyq jáne eksperımenttik kezeńderdiń qorytyndysy boıynsha Qazaqstannyń qurama komandasy tómendegi jetistikterge kol jetkizdi:
Áshim Qaırat - Jambyl oblysynyń qazaq-túrik lıtseıiniń oqýshysy - altyn medal;
Doljnıkov Vladımır - Petropavl qalasy daryndy balalarǵa arnalǵan mamandandyrylǵan «LORD» mektebiniń oqýshysy - kúmis medal;
Amanjolov Ázim - Astana qalasynyń qazaq-túrik lıtseıiniń oqýshysy - kúmis medal;
Qamysbaev Vladıslav - Almaty qalasynyń daryndy balalarǵa arnalǵan №134 lıtseıiniń oqýshysy - qola medal.
