Qazaqstandyq oqýshylar halyqaralyq Týımaada olımpıadasynan 33 medal aldy

ASTANA. QazAqparat - Qazaqstandyq oqýshylar matematıka, hımııa jáne ınformatıka pánderi boıynsha 30-shy halyqaralyq «Týımaada» olımpıadasynyń jeńimpazdary atandy, dep habarlaıdy QazAqparat.

«Olımpıadaǵa Reseı, Rýmynııa, Qazaqstan, Sıngapýr, Indonezııa elderinen 215 oqýshy qatysty. Bizdiń elimizdiń atynan respýblıkanyń ár óńirinen 80 oqýshy qatysyp, 4 altyn, 14 kúmis jáne 15 qola medaldar jıyntyǵyn jeńip aldy», - dep málimdedi Oqý-aǵartý mınıstrliginen.

Aıta ketsek, «Týımaada» olımpıadasy 1994 jyldan beri ótkizilip keledi. Qazaqstan jarysqa 2004 jyldan beri qatysady. Olımpıada eki kúnge sozylyp, eki týrdan turady. Ár týrda qatysýshylarǵa 5 astronomııalyq saǵat ishinde úsh-tórt esep shyǵarý usynylady.