Qazaqstandyq oqýshylar halyqaralyq olımpıadada 4 medal jeńip aldy
NUR-SULTAN. QazAqparat - Qazaqstandyq oqýshylar halyqaralyq IchO 2020 hımııa olımpıadasynda tórt qola medal jeńip aldy. Bul týraly QazAqparat «Daryn» ortalyǵyna silteme jasap habarlaıdy.
Halyqaralyq hımııa olımpıadasy (IChO 2020) qashyqtyq formatynda ótti. Oǵan álemniń 62-den astam elinen 248 oqýshy qatysty. Olımpıadaǵa Qazaqstannan irikteý kezeńderiniń jalpy reıtıngisinde jáne Mendeleev olımpıadasynyń nátıjeleri boıynsha ulttyq quramanyń músheleri bolǵan tórt úmitker qatysty.
Halyqaralyq hımııa olımpıadasy - 20 jasqa deıingiler qatysatyn jyl saıyn ótetin hımııa boıynsha saıys. Halyqaralyq hımııa olımpıadasyna qatysqan jyldar ishinde, dálirek aıtsaq 1999 - 2019 jyldar aralyǵynda Qazaqstan Respýblıkasynyń ulttyq quramasy 72 marapatqa ıe boldy: 6 altyn, 27 kúmis, 37 qola medal jáne 2 qurmet gramotasy.
«Bıyl onlaın rejımde ótken Halyqaralyq hımııa olımpıadasynda ulttyq quramanyń barlyq músheleri qola medalmen marapattaldy. Olar: Qaıyrbek Qaıdar - Pavlodardaǵy hımııa-bıologııa baǵytyndaǵy Nazarbaev Zııatkerlik mektebiniń oqýshysy, Mýjýbaev Ábilmansur - Nur-Sultan qalasyndaǵy hımııa-bıologııalyq baǵytyndaǵy «Nazarbaev zııatkerlik mektebiniń» oqýshysy, Seısenqul Baqdáýlet - Nur-Sultan qalasynyń daryndy jasóspirimderge arnalǵan «Bilim-ınnovatsııa» mektep-ınternatynyń oqýshysy, Abdýgafarova Kıbrııanýr - Almaty qalasyndaǵy Halyqaralyq «Galaxy» mektebiniń oqýshysy», - delingen habarlamada.
Qatysýshylarǵa úıden shyqpaı-aq IChO 2020-ǵa qatysyp, álemniń eń úzdik jas hımıkteriniń arasynda baqtaryn synap kórýdiń keremet múmkindigi boldy.
