Qazaqstandyq oqýshylar fızıkadan Azııa olımpıadasynda 1 «altyn», 3 «qola» ıelendi

NUR-SULTAN. QazAqparat - Fızıka páni boıynsha ótken Azııa olımpıadasynda qazaqstandyq oqýshylar bir altyn jáne úsh qola medal jeńip aldy. Bul týraly QR Bilim jáne ǵylym mınıstrliginen málim etti, dep habarlaıdy QazAqparat.

Zııatkerlik jarysqa álemniń 23 elinen komandalar qatysty. Elimizdiń atynan bilim saıysyna Nur-Sultan, Pavlodar jáne Taraz qalalarynyń mektepterinen 8 oqýshy tústi. Olardyń barlyǵyn tájirıbeli pedagogter daıyndady. Endi olar basqa da jarystarǵa qatysýdy josparlap otyr. Qazaqstandyq jetkinshekterdi alda jańa halyqaralyq baıqaýlar kútip tur.

Azııa olımpıadasyna qatysýshylardy QR Bilim jáne ǵylym mınıstri Ashat Aımaǵambetov Facebook-paraqshasynda quttyqtady. Mınıstr oqýshylarǵa jańa bıikterdi baǵyndyrý jolynda sáttilik tiledi.

Jeńimpazdar men júldegerler: Dinmuhammed Rahımjanov, Raýan Qaldybaev, Anton Draganchýk, Danııl Shatohın, Vladımır Lım, Jalǵas Saılaýbaı.