Qazaqstandyq oqýshylar Balqan matematıkalyq olımpıadasynan júldeli oraldy
ASTANA. Mamyrdyń 8-i. QazAqparat /Marlan Jıembaı/ - Qazaqstannyń mektep oqýshylary Moldovanyń Kıshınev qalasynda mamyrdyń 2-si men 8-i aralyǵynda ótken Balqan matematıkalyq olıpıadasynan júldeli oraldy. Bul týraly QazAqparat tilshisine búgin «Daryn» respýblıkalyq ǵylymı-tájirıbelik ortalyǵynan habarlady.
Olımpıada barysynda Taldyqorǵan qalasyndaǵy № 20 lıtseıdiń oqýshysy Nursultan Qajymuqanov úzdik nátıje kórsetip, altyn medal jeńip aldy.
Sondaı-aq Qazaqstan qorjynyn Almatydaǵy O.Jáýtikov atyndaǵy daryndy balalarǵa arnalǵan respýblıkalyq mektep ınternattyń oqýshylary Azamat Dúısenbaev, Medet Janbolatuly, Taldyqorǵan qalasyndaǵy № 20 lıtseıdiń oqýshysy Qanat Satylhanov kúmis medaldarmen tolyqtyrdy. Al Óskemen qalasyndaǵy matematıka, fızıka, ınformatıka salasyndaǵy daryndy balalarǵa arnalǵan mamandandyrylǵan mekteptiń oqýshysy Nurlan Qanapın men Almatydaǵy № 134 lıtseıdiń shákirti Denıs Ovchınnıkov qola medaldi qanaǵat tutty.
Aıta keteıik, Balqan matematıkalyq olımpıadasy ıntellektýaldyq, ǵylymı jarystardyń arasynda mártebesi joǵary sanalady. Aǵymdaǵy jyly olımpıadaǵy álemniń 20-dan astam elininiń komandalary qatysty.
