Qazaqstandyq oqýshylar Balqan matematıkalyq olımpıadasynan 6 medal aldy

ASTANA. QazAqparat – Qazaqstandyq oqýshylar Balqan matematıkalyq olımpıadasynan 6 medaldy jeńip aldy, dep habarlaıdy QazAqparat QR Oqý-aǵartý mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, 40-shy Balqan matematıkalyq olımpıadasy Túrkııanyń Antalııa qalasynda ótip, Balqan túbeginiń 22 elinen jáne qonaq memleketterden 130-dan astam oqýshy qatysqan.

Olımpıada qorytyndysy boıynsha Qazaqstan atynan barǵan 6 oqýshy da medalǵa ıe boldy.

Olar:

Baıshýaq Raıymbek – Almaty qalasyndaǵy Respýblıkalyq fızıka-matematıka mektebiniń 11 synyp oqýshysy;

ıÝrkevıch Mıron - Almaty qalasynyń Respýblıkalyq fızıka-matematıka mektebiniń 10 synyp oqýshysy;

Jan Dáýitov – Qostanaı oblysy «Bilim-ınnovatsııa» mektep-lıtseıiniń 10 synyp oqýshysy;

Marǵulan Sharel – Jambyl oblystyq daryndy er balalarǵa arnalǵan mamandandyrylǵan «Bilim-Innovatsııa» lıtseıiniń 10 synyp oqýshysy;

Naǵashybek Mýhammed – Astana qalasy «NURORDA» mektep-lıtseıiniń 11 synyp oqýshysy;

Vladımır Rogovskıı – Pavlodar qalasynyń daryndy balalarǵa arnalǵan № 8 mektep-lıtseıiniń 10 synyp oqýshysy.

Aıta keteıik, 40-shy Balqan matematıkalyq olımpıadasynyń maqsaty – matematıka páninen daryndy oqýshylardy yntalandyrý jáne damytý, qatysýshy elder arasynda mektep baǵdarlamalary men tájirıbeleri týraly aqparat almasý úshin múmkindikter jasaý. Sondaı-aq Halyqaralyq matematıka olımpıadasyna (IMO) daıyndalý jáne tájirıbe jınaqtaý.