Qazaqstandyq oqýshylar Bakýde ótken SAF-2022 robototehnıka festıvalinde 7 kýbokty jeńip aldy
«Súıinshi! Bakýde ótken SAF-2022 robototehnıka festıvalinde qazaqstandyq oqýshylar jeńis tuǵyrynan kórindi.
Halyqaralyq festıvalge 8 memleketten 350 komanda, 1300 qatysýshy, (Ázerbaıjan, Túrikmenstan, Estonııa, Shvetsııa, Ulybrıtanııa, Ózbekstan, Túrkııa) qatysty. Al qazaqstandyqtar túrli marapattar men júldeli oryndarǵa ıe boldy.
Halyqaralyq baqylaýshylar komandalardyń óner kórsetý deńgeıin joǵary baǵalady. Otandastarymyz Vex Robotics Competition salasy boıynsha ótken básekede basymdyq tanytyp, negizgi 7 kýbokty jeńip aldy»,-dep jazdy mınnıstr óziniń Facebook paraqshasynda.
Vedomstvo basshysynyń sózinshe, jasóspirimder sanatynda 1729X NEW EMPIRE komandasy birlesken jarysta 2-shi oryndy, al, jeke dara saıysta 3-shi oryndy ıelendi. Al, 1729K LSF qazaqstandyq jasóspirimder toby komandalyq jumysta 3-shi orynǵa, sondaı-aq jeke dara jarysta 2-shi orynǵa turaqtady.
Jarystyń sheshýshi kezeńderine 3 komanda qatysyp, barlyǵy da márege shyqty. Joǵary synyp oqýshylary komandalyq jáne jeke sanattaǵy básekede birinshi orynǵa ıe boldy.
Aıta ketsek, Sátbaev atyndaǵy ýnıversıtet stýdentterge tehnıkalyq qoldaý kórsetti, oqýshylardyń jol júrý shyǵyndary qatysýshylardyń otbasylary esebinen óteldi.
«Oqýshylarymyzdyń osyndaı jetistikneri barshamyzǵa qýanysh syılaıdy. Olardy shyn júrekten jeńisterimen quttyqtaımyn! Keleshekte daryndy jastar bilimi men sheberlikterin shyńdap, elimizdiń ıgiligi úshin eńbek etetinine senimdimin»,-dep jazdy Baǵdat Mýsın.
