Qazaqstandyq oqýshylar baǵdarlamalaýdan Búkilreseılik komandalyq olımpıadanyń jeńimpazdary atandy
ASTANA. QazAqparat - Tarıhta alǵash ret baǵdarlamalaýdan kompıýter bilgirleriniń qazaqstandyq quramasy XVII Búkilreseılik komandalyq olımpıadanyń jeńimpazdary atandy, dep habarlaıdy astana.gov.kz.
Sanjar Bıdaıbek, Ashat Jalǵasov jáne Nurbaqyt Mádıbek 200 qarsylasyn, sonyń ishinde Reseılik olımpıadalyq baǵdarlamalaý mektebin artta qaldyryp, álemdegi eń myqty komanda atandy. Qazaqstandyq oqýshylar 1-shi dárejeli dıplomdarmen marapattaldy.
Astana men Almaty qalalaryndaǵy qazaq-túrik lıtseıleriniń oqýshylary on bir eseptiń toǵyzynyń sheshimin taýyp, birinshi orynǵa shyqty. Ekinshi oryn «Intellektýal + SÝNTs MGÝ: Vova spıt doma» (Máskeý) komandasyna, al úshinshi oryn «Shkola programmıstov №1» (Mytışı) komandasyna buıyrdy.
