Qazaqstandyq oqýshy Máskeýden júldemen oraldy
ASTANA. QazAqparat - Pavlodar oblysy Baıanaýyl aýdanynyń №2 jalpy orta mektebiniń oqýshysy Ratmır Nastas Máskeýden júldeli oraldy, dep habarlaıdy pavlodarnews.
Máskeý qalasynda ótken «Shekarasyz ǵylym: Qazaqstan-Reseı» atty ІІІ Halyqaralyq ǵylymı-tájirıbelik konferentsııasynda Baıanaýyl aýdanynyń №2 jalpy orta bilim beretin mektebiniń 8 «b» synyp oqýshysy Ratmır Nastas І oryn ıegeri atandy. Bul týraly aýdandyq bilim berý bóliminiń bas mamany Mahabbat Sádýaqasova aıtty.
«Gýmanıtarlyq, jaratylystaný jáne fızıka-matematıka baǵytynda ótken atalmysh baıqaýda TMD elderinen kil myqty 100-den astam oqýshy men stýdent qatysqan. Bizdiń Qazaqstannyń atynan barǵan Ratmır el úmitin aqtap keldi. Ony daıyndaǵan jetekshileri, pedagog-psıhologtar Polına Shýmeıko men Marına Shýmeıkonyń eńbekteri zor ekenin atap ótken jón. Olar ustazdarǵa arnalǵan «Jańa tehnologııalar men pedagogıkalyq praktıka» atty ІІІ Halyqaralyq ǵylymı-tájirıbelik konferentsııada dıplomdarmen marapattaldy», - deıdi Mahabbat Sádýaqasova.
Marına Shýmeıkonyń aıtýynsha, Ratmır Nastas «Baıanaýyl ulttyq parkiniń ekojúıesindegi kishi aqtisti jerteserdi qorǵaý» taqyrybyndaǵy jobasyn sátti qorǵap, ekologııa sektsııasynda «Shekarasyz ǵylym: Qazaqstan-Reseı» medali men dıplomǵa ıe bolǵan.
