Qazaqstandyq ofıtserler Beıjińdegi oq atý jarysynda jeńimpaz atandy
BEIJІŃ. QazAqparat - QHR-daǵy QR Qorǵanys mınıstrligi Áskerı attashe apparatynyń ofıtserleri Beıjińde ótken avtomatty qarýdan oq atý boıynsha halyqaralyq jarystan ekinshi jalpykomandalyq oryndy ıelendi, dep habarlaıdy «QazAqparat» HAA-nyń Qytaıdaǵy tilshisi.
Jarysqa Beıjińde akkredıttelgen 60 eldiń áskerı dıplomattary qatysty. Qazaqstandyq ofıtserler - aǵa leıtenant Tımýr Ábildaev pen Roman Shınkarýk - M-4 avtomatty vıntovkasymen oq atý boıynsha barlyǵy 100 upaıdan 96 ball jınap, ekinshi oryndy qanjyǵasyna baılady.
Jarystyń jeńimpazdary - Venesýeladan kelgen komanda da 96 upaı jınaǵan, alaıda olar oqtyń shoǵyrlanyp tııý kórsetkishimen jeńimpaz atandy. Úshinshi oryndy 95 ball jınaǵan úndistandyq komanda aldy.
QHR-daǵy QR Qorǵanys mınıstrligi Áskerı attashe apparatynyń ofıtserleri bul jeńisti Qazaqstan Qarýly Kúshteriniń 25 jyldyǵyna arnady.
Eske salaıyq, 5 mamyr kúni Qytaı astanasyndaǵy «Marriott» qonaq úıiniń bas banket zalynda QR Qarýly Kúshteriniń 25 jyldyǵyna arnalǵan qabyldaý rásimi bolyp ótti.
