Qazaqstandyq ofıtser áskerı ujymda kóshbasshylyq qasıetke ıe bolýy tıis - QR Qorǵanys mınıstri
Munda Serik Ahmetov jas ofıtserlermen kezdesip, óz qyzmetterin úzdik atqaryp júrgenderdi Qurmet gramotalarymen marapattady.
Jas ofıtserler aldynda sóılegen sózinde Qorǵanys mınıstri olardyń aldynda Qazaqstannyń qarýly kúshterin nyǵaıtý jolyndaǵy jumystardy odan ári jalǵastyrý mindeti turǵanyn atap ótti.
««Kásibı kadrlar - Qazaqstan qarýly kúshteriniń jaýyngerlik ázirliginiń basty quramdas bóligi. Bul Qorǵanys mınıstrliginiń basshylyǵy úshin de basymdy baǵyt. Qurlyqtaǵy áskerlerde sońǵy jyldary óte jaqsy joba júzege asyrylýda. Ol áskerı joǵary oqý oryndarynda oqyp júrgen kýrsanttar arasynan jaqsy oqıtyn jáne kóshbasshylyq qasıetke jastardy anyqtaýǵa múmkindik beredi. Jáne olardyń mansap jolyna da yqpal etedi. Bul joba óziniń qajettiligin kórsetip otyr. Biz ony endi basqa da áskerlerde qoldanbaq nıettemiz. Men Bas shtabqa atalmysh jobany basqa áskerlerge qarasty kóptegen áskerı joǵary oqý oryndarynda júzege asyrýdy tapsyrdym» - dedi óz sózinde S. Ahmetov.
Óz kezeginde «Ońtústik» óńirlik qolbasshylyǵy áskerleriniń qolbasshysy, general-maıor Talǵat Qoıbaqov Qurlyqtaǵy áskerlerde qoldanylyp jatqan atalmysh jobanyń nátıjeleri aıtarlyqtaı ekendigin jetkizdi. Mysaly, joǵary oqý oryndaryn 2010 jyly bitirgen jas ofıtserderdiń búginde 90 paıyzdan astamy rota komandıri dárejesinde qyzmet atqaryp júr.
«Kez kelgen ujymda kóshbasshylar bolady. Árıne, áskerı joǵary oqý oryndaryn tamamdap, bizge kelip jatqan jas leıtenanttardyń ishinen kóshbasshylyq qasıetke ıe jastar anyqtalyp jatady. Olardy biz qyzmetin joǵarylatý boıynsha rezervke engizemiz. Sáıkesinshe, olar únemi baqylaýda bolady. Reıtıng júrgiziledi. Sodan ár jyldyń sońynda sol reıtıng boıynsha óz qyzmetterinde joǵary nátıjege qol jetkizgen jas komandırlerdiń qyzmetterin joǵarylatý boıynsha usynystar ázirlenedi. Búgin mine, jas bolsa da batalon basqaryp júrgen jas ofıtserlerdi kórdińizder» - dedi óz sózinde Talǵat Qoıbaqov.