Qazaqstandyq nokaýtshylar Aqtóbede tıtýldyq jekpe-jekterin ótkizedi
AQTÓBE. QazAqparat – Kásipqoı rıngte jeńilip kórmegen qazaqstandyq eki boksshy Aqtóbede tıtýldyq jekpe-jekterin ótkizedi. Bul týraly VKontakte áleýmettik jelisindegi «Qazaqstannyń kásipqoı boksshy» paraqshasynda jazyldy, dep habarlaıdy QazAqparat.
29 qyrkúıek kúni Aqtóbedegi «Jekpe-jek» sport saraıynda kásipqoı boks keshi ótedi. Onyń uıymdastyrýshylary - MTK Kazakhstan jáne Tukeshov Boxing Promotions promoýterlik kompanııalary.
Keshtiń basty aıqastaryna qazaqstandyq Álı Baloev pen Edil Qojamberdıev qatysady. Atap aıtqanda, birde-bir ret jeńilip kórmegen Á.Baloev (9-0, 7KO) WBC-tiń aýyr salmaqtaǵy Asia Inter-Continental tıtýly úshin judyryqtasady. Sondaı-aq jyǵylyp kórmegen E.Qojamberdıev (8-2, 8KO) WBA-diń birinshi aýyr salmaqtaǵy Asia East tıtýly úshin jekpe-jek ótkizedi.
Budan bólek, anderkartta qazaqstandyq ózge boksshylarymyz shyǵatyn bolady: jeńil salmaqta – Nurtas Ájbenov (6-0, 2KO), Qazaqstannyń eń jas profı-boksshysy, 17 jastaǵy Dastan Sádýuly (3-0, 3KO) jáne birinshi orta salmaqtaǵy Ábilqaıyr Sheǵalıev (6-0, 4KO). Olardyń qarsylastary keıinirek anyqtalady.
Aıta keteıik, MTK Kazakhstanálemge belgili MTK Global menedjerlik kompanııasynyń – resmı fılıaly. MTK Global Taıson Fıýrı, Bıllı Djo Sonders, Lıam Smıt jáne basqa da tanymal boksshylardyń rıngtegi isin júrgizedi. ⠀
