Qazaqstandyq nokaýtshy ALASH PRIDE týrnırinde daǵystandyqqa qylqyndyrý tásilin qoldandy
ASTANA. QazAqparat - Qazaqstandyq MMA sheberi Maqsat Ómirtaev ALASH PRIDE týrnırinde jeńimpaz atandy, dep habarlaıdy «SPORTINFORM» SAA.
28 shildede Qapshaǵaıda ALASH PRIDE týrnırinde qaraǵandylyq nokaýtshy Ómirtaev «Gorets» klýbynyń balýany reseılik Shamıl Alıevpen (3-1) kúsh synasty.
Qazaqstandyq bul aıqasta qyrǵyz balýany Magamed Qurbanovpen kezdesýi tıis bolǵan, alaıda týrnırge az ýaqyt qalǵanda onyń qarsylasy aýysty.
Shamıl Alıevke qarsy jekpe-jek birinshi raýndta-aq aıaqtaldy. Maqsat óz qarsylasyn «úshburysh» qylqyndyrý tásilimen jeńdi.
Bul qaraǵandylyqtyń besinshi jeńisi. Ol kásibı aıqasta bir ret qana súringen.
Eske salaıyq, Maqsat Ómirtaev «Qaraǵandy Top Team» klýbynyń ókili. Ol Rashıd Daǵaevtyń qol astynda jattyǵyp júr.
