Qazaqstandyq «Nık Výıchıch» Habıb Nýrmagomedpen kezdesti
ALMATY. QazAqparat - Qazaqstandyq «Nık Výıchıch» Habıb Nýrmagomed Álı Turǵanbekov UFC chempıony Habıb Nýrmagomedovqa PSG oıynshylarynyń qoltańbasy qoıylǵan dopty syıǵa tartty, dep habarlaıdy QazAqparat tilshisi
Olar fýtbol oınap, birge sýretke tústi.
«Ózderińiz bilesizder men PSG oıynshylarymen kezdesken bolatynmyn. Sol kezde Neımar, Mbappe, dı Marıı jáne Kavanıdiń qoltańbalaryn jınadym. Men sol dopty Sizge syılaǵym keledi », - dep Álı dopty Habıbke tapsyrdy.
Aıta keteıik, Habıb Nýrmagomedov jankúıerlerimen kezdesý úshin Almatyǵa keldi
Eske salsaq, buǵan deıin Habıb Nýrmagomedov qazaqstandyq «Nık Výıchıchke» syılyq jasaǵan edi. Sondaı-aq, Álı tipti áıgili fýtbol juldyzy Lıonel Messımen de kezdesip, fotosýretke túsken. Sondaı-aq, ol Lıverpýl oıynshylaryna ÝEFA Sýperkýbogyn tabystady.Al 2017 jyldyń jeltoqsan aıynda Álı óziniń kýmıri Nık Výıchıchpen júzdesken bolatyn.
Álı men anasy Aqmaral QazAqparat tilshisine suhbat berip, otbasylarynyń soqpaq joldy basyp ótkenin aıtyp bergen bolatyn. Dúnıege kelgen kezinde onyń anasyna tipti týystary baladan bas tartýyn aıtyp, úgittegen. Álı ósken kezde tipti eshbir mektep ony qabyldaǵysy kelmepti. Aqyry, osy qıyndyqtardyń bárin basyp ótken bala elordadaǵy «Nur Orda» mektebine túsip, kúni búginge deıin sol bilim shańyraǵynda oqýyn jalǵastyryp jatyr.
