Qazaqstandyq «Nık Výıchıch» fýtboldan álem chempıonymen kezdesti
ASTANA. QazAqparat – Eki aıaqsyz dúnıege kelgen qazaqstandyq jasóspirim Álı Turǵanbekov ıtalııalyq ataqty fýtbolshy Andrea Pırlomen kezdesti, dep habarlaıdy QazAqparat tilshisi.
«Mine, men chellendjdi @andreapirlo21-men jalǵastyryp otyrmyn. Men alańǵa taǵy bir juldyzben, Italııa quramasynyń álem chempıonymen shyqtym. @juventus-tiń burynǵy bapkeri. Keremet emotsııa men áser aldym. Óte ashyq, qarapaıym ári meıirimdi @andreapirlo21-ge kezdesý úshin alǵys aıtamyn!», - dep jazdy Álı Turǵanbekov Instagram-daǵy paraqshasynda.
Andrea Pırlo – tanymal ıtalııalyq fýtbolshy, Italııa quramasynyń sapynda oınap, álem chempıony atanǵan. «Mılan» jáne «ıÝventýs» quramalarynda óner kórsetip, A serııasynyń birneshe dúrkin jeńimpazy bolǵan. Keıin A. Pırlo «Torıno» komandasynyń jattyqtyrýshysy qyzmetine aýysty.
Esterińizge sala keteıik, buǵan deıin Álı Turǵanbekov birqatar sport jáne medıa salasynyń tanymal tulǵalarymen kezdesken bolatyn. Ol esimi ańyzǵa aınalǵan fýtbolshy Dıego Armando Maradonaǵa shapan syılady.
2019 jyly sáýirde ol Lıonel Messımen, sol jyldyń jeltoqsanynda Habıb Nýrmagomedov jáne Krıshtıaný Ronaldýmen júzdesti.
Foto: www.instagram.com/ali_amir_happy
