Qazaqstandyq nefrologtar halyqtyń densaýlyǵy men ómirin saqtaýda kardıologtardy tyǵyz yntymaqtastyqqa shaqyrady

Búgingi kúni elimizde sozylmaly búırek aýrýlarynyń (SBA) deńgeıi tez ósip ketti jáne gemodıalızdaǵy adamdardyń sany da artyp ketken. Al bul - SBA-ny emdeýdiń eń qymbat ádisteriniń biri. Búırek aýrýlaryna ákelip soǵatyn negizgi faktorlar - joǵary arterıaldyq qan qysymy ( gıpertonııa), soǵan sáıkes júrek aýrýlary. Bul týraly búgin Almatyda Dúnıejúzilik búırek kúnine arnalǵan is-sharada Qazaqstan Nefrologtar qaýymdastyǵynyń prezıdenti Ásııa Qanatbaeva málim etti, dep habarlaıdy QazAqparat.

"Búginde elimizde 1,5 mıllıonǵa jýyq adam gıpertonııadan zardap shegedi, olardyń jartysy óz derti týraly bilmeıdi de jáne tek 25 paıyzy ǵana dárigerlerge kórinedi. Kóptegen adamdar joǵary qan qysymyna kóńil bólmeıdi jáne «jumys babyna», «ulǵaıǵan jasqa» tán kórinis dep bul aýrýǵa asa mán bermeıdi. Der kezinde anyqtalmaǵan joǵary qan qysymy búırektiń aýyr buzylysyna ákelip soǵýy múmkin. Mundaı jaǵdaılar qazirgi kezde jıi kezdesetin búırektiń qalypty qyzmetin joǵaltatyn sozylmaly búırek aýrýyna (SBA) sebepshi bolyp otyr. SBA - bul baıaý ótetin, aýrý belgilerinsiz jáne zardapsyz dert. Keıde búırek sońǵy satysynda ǵana baıqalady, bul jaǵdaıda tuıyqtan shyǵýdyń joly - «jasandy búırek» nemese búırekti aýystyrýdy paıdalaný», dep atap ótti Á. Qanatbaeva.