Qazaqstandyq naryqqa arnalǵan ABBYY Lingvo x5, ABBYY FineReader 11 baǵdarlamalary shyqty
ALMATY. 21 qyrkúıek. QazAqparat /Erbol Azanbek/ - ABBYY Lingvo x5, ABBYY FineReader 11 baǵdarlamalarynyń Qazaqstandyq naryqqa arnalǵan nusqalary shyqty. Keshe keshkisin Almatyda ABBYY basshylary qos baǵdarlamany tanystyrdy.
ABBYY Lingvo x5 elektrondy sózdigi kásibı aýdarma jasaý men til úırenýge arnalǵan. Aýdarma úshin bul nusqada 20 tildegi sózdikter berilgen. Olardy bir-birine esh kedergisiz aýdarýǵa bolady. Qazaq tilinde 159 sózdik engizilgen. Bundaǵy sózderdiń 20 myńy jalpy qoldanystaǵy sózder bolsa, 5 myńy munaı-gaz, 2 myńy áskerı sala termınderi. Atalǵan baǵdarlama úıge jáne kásibı qyzmetke arnalǵan bolyp 2 nusqada jaryq kórdi. Sondaı-aq baǵdarlamanyń onlaın nusqasy da bar. Baǵdarlamanyń buǵan deıingi elimizge arnalǵan ABBYY Lingvo x3 nusqasy 2009 jyly 26 mamyr kúni shyqqan bolatyn. Oǵan 64 sózdik engizilgen edi. «Burynǵy nusqa kóbine aýdarmaǵa laıyqtylǵan bolatyn. Jańa nusqada aýdarma jasaýmen qatar til úırenýge múmkindik berýdi basty nazarda ustadyq. Aldyńǵysynan aıyrmashylyǵy - aýdıo, vıdeo sabaqtar qosylyp, PDF faıldar men fılmderdiń sýbtıtrlerin dál aýdarma arqyly berý múmkindigi qarastyrylǵan», -deıdi kompanııanyń bas dırektory Grıgorıı Lıpıch.
Qaǵazdaǵy aqparattardy elektrondy nusqaǵa kóshirip, redaktsııalaýǵa arnalǵan ABBYY FineReader baǵdarlamasynyń sońǵy 11 nusqasy aldyńǵysynan jyldamdyǵymen erekshelenedi. Bul nusqada qujattardy óńdeý 10-shy nusqadan 45 paıyzǵa jyldam. Sondaı-aq jańa nusqa 189 tilde qujatty tanyp, uıaly telefon men sandyq fotoapparat túsirgen qujattardy da óńdeý, óńdelgen qujattardy elektrondy kitapqa aınaldyrý múmkindigi qarastyrylǵan. Baǵdarlama kez-kelgen túrdegi mátindi qaǵaz qujattardy skanerleý nemese fotoǵa túsirý arqyly elektrondy nusqaǵa aınaldyryp, word, ePub, fb2 formattaryna aýystyryp, óńdeýge múmkindik beredi.
Grıgorıı Lıpıchtiń túsindirýinshe bul baǵdarlamalar Almaty qalasynda shyǵarylady. «Qazaqstandyq naryqqa arnalǵandyqtan, ári tutynýshylarǵa jyldam jetkizý úshin baǵdarlamalardy Almatyda shyǵarý durys dep sheshtik. Óıtkeni Qazaqstan biz úshin Reseıden keıingi ekinshi naryq sanalady»,- deıdi ol.
QazAqparat anyqtamasy: ReseılikABBYY kompanııasy 1989 jyly qurylǵan. ІT salasyndaǵy baǵdarlamalardy shyǵarýmen aınalysady. Kompanııanyń alǵashqy ónimi ABBYY Lingvo 1993 jyly shyqty. 1998 jyldan bastap ónimderi álemdik atqa ıe bola bastady. Qazaqstan naryǵyna 2009 jyly keldi. Búginde kompanııanyń ónimderin elimizde 100 myńǵa jýyq adam tutynady. Al, álem boıynsha 30 mıllıonnan astam qoldanýshysy bar. Bir ǵana ABBYY FineReader baǵdarlamasynyń jyl saıyn 15 mıllıon danasy skanerlermen birge satylady.
