Qazaqstandyq Nadejda Nogaı aýyr atletıkadan álem chempıony atandy
ASTANA. QazAqparat - Qazaqstandyq Nadejda Nogaı Polshada aýyr atletıkadan jastar arasynda ótken álem chempıonatynda jeńimpaz atandy.
Sports.kz saıtynan alynǵan málimetke qaraǵanda, Nadejda 75 keliden astam salmaqta qossaıys qorytyndysynda 275 kelini kóterdi. Taılandtyq Dýanganksor Chaıdı (259 kg) ekinshi, týnıs qyzy Iosra Dıb (251 kg) úshinshi oryndy ıelendi.
Aýyr atletıkadan Qazaqstan quramasynyń bas bapkeri Alekseı Nı Nadejda Nogaıdyń ekinshi oryn alǵan qarsylasynan 16 kelini artyq kótergenin atap ótti. Bul onyń múmkindiginiń shegi emes. Osylaısha, aýyr atletter arasynda bolashaǵynan úlken úmit kúttiretin jastar ósip keledi.
