Qazaqstandyq Nadejda Nogaı aýyr atletıkadan Álem chempıony atandy
ALMATY. 16 mamyr. QazAqparat /Erlik Erjanuly/ - Aýyr atletıkadan 17 jasqa deıingi jastar arasynda Perýdiń Lıma qalasynda ótip jatqan Álem chemponatynda jerlesimiz Nadejda Nogaı serpe jáne julqa kóterý men qossaıys qorytyndysy boıynsha Álemniń absolıýtti chempıony atandy.
QR Aýyr atletıka federatsııasynyń bas hatshysy Meńdihan Tápsirdiń aıtýynsha, bul dúbirli dodada el namysyn 2 atlet qorǵaǵan. Olar 69 keli salmaqta baq synaǵan Ádilbek Balqaev pen Nadejda Nogaı. Onda Ádilbek julqa jáne serpe kóterýde kúmis, al qossaıys qorytyndysy boıynsha qola júldeger atandy.
«Qazaqstan ulttyq quramasy bul básekede 1 altyn, 1 qola medal alýdy josparlaǵan bolatyn. Ol tolyq oryndaldy. Sportshylar elge búgin túnde oralady», - deıdi M. Tápsir.
